डडेल्धुरा, भदौ ८ । आज हरितालिका तीज । डडेल्धुराका महिलाहरुले आफ्नो संस्कृति संरक्षण गर्ने उद्देश्यले देउडा खेलेर यसपटककै तीज मनाएका छन् ।

डडेल्धुराको बागरबजारमा रहेको बसपार्कमा नारीहरुले सुदूरपश्चिमेली गीतमा देउडा खेले । उक्त देउडा खेलमा जिल्ला सदरमुकामका महिला र अन्य जिल्लाबाट अध्ययनका लागि सदरमुकाममा बसोबास गर्ने युवतीहरुको सहभागी थियो ।

सचेतना महिला बचत समुह अमगरगढी ५ डडेल्धुरा तथा रेडियो युनिटीको सहकार्यमा आयोजना गरेको खुल्ला डेउडा प्रतियोगिता तथा शुभकामना आदानप्रदान कार्यक्रममा नारीहरुले देउडा खेलेका हुन् ।

सुदूरपश्चिमको देउडा खेलको संरक्षण गर्नको लागि तीजमा खुल्ला डेउडा प्रतियोगिताको आयोजना गरेको सचेतना महिला बचत समूहकी अध्यक्ष पार्वती पनेरुले बताईन् ।

‘अहिले तीजलाई नयाँ पडिले तडकभडक गरेर मनाउँछन् । तर हामीले सुदूरपश्चिमेली भाकामा देउडा लेखेर मनाऔँ, पनेरुले भनिन् अबका वर्षमा पनि तीजमा देउडा खेलेर नै मनाउने आयोजना बनाएका छौँ’ पनेरुले भनिन् ।

उक्त कार्यक्रममा तीजको शुभकाना व्यक्त गदै अमरगढी नगरपालिका प्रमुख विशेश्वर प्रसाद ओझाले तीजमा देउडा प्रतियोगिताको आयोजना गर्नु राम्रो कुरा भएको बताएका छन् ।

सुदूरपश्चिमेलीहरुका चिनारी देउडा खेलको आयोजना गर्नाले यो खेल लोप हुनबाट जोगिने उनले धारण व्यक्त गरेका थिए । साथै आगामी दिनमा पनि यस्ताका कार्यक्रमको आयोजना गर्न पनि उनले सुझाव दिएका थिए ।

सोही कार्यक्रममा बल्दै रेडियो युनिटी ९२.२ मघाहर्जका संचालक समिति अध्यक्ष मुकेश भट्टले नेपालमा पश्चिमी संस्कृति भित्र्न लागेको भन्दा यसमा हामीले ध्यान दिनु पर्ने बताएका छन् । तीज, होली दशैमा पश्चिमी संकृति भित्रीन लागेको भन्दै यो संस्कृती भित्रिन नदिन सबै पक्षले यसमा चलाको भएर लाग्नु पर्ने धारण व्यक्त गरेका थिए ।

साथै उनले यस्ता किसिमका कार्यक्रमको आयोजनाले केही भए पनि संकृति जर्गेनामा टेवा पुग्ने भन्दै रेडियो युनिटी यस क्षेत्रको डोटेली भाषा, भेषभुसाको संस्कृति संरक्षण गर्न सहकार्य गर्न तयार रहेको बताएका छन् ।